ସାଇ ବାଣୀ -: ମନର କୁବିଚାରକୁ ହଟାଇଲେ ଗୁରୁ କୃପା ମିଳିବ ।

       ସାଇ ଲୀଳା -: ମନର କୁବିଚାରକୁ ପରିବର୍ତ୍ତନ କର।

ମନ ଉପରେ ସବୁବେଳେ ନିୟନ୍ତ୍ରଣ ରଖିବା ଉଚିତ  ।ବେଳେ ବେଳେ ମନ ଲଗାମ ଛଡ଼ା ହୋଇ ଗଲେ ବିଭିନ୍ନ ପ୍ରକାର ଅପ୍ରୀତିକର ପରିସ୍ଥିତି ସୃଷ୍ଟି ହୁଏ । ଇଶ୍ଵର ବିଶ୍ବାସ ବଢ଼ାଇ ଚାଲିଲେ ମନ ଆପେଆପେ ଧିର ହୋଇ ଯାଏ । ବହୁତ ଲୋକମାନେ ବେଳେ ବେଳେ ମନ ଭିତରେ ସନ୍ଦେହ ଓ କୁ ବିଚାର କୁ ଗୁରୁତ୍ୱ ଦିଅନ୍ତି ।କିନ୍ତୁ ପରେ ତାର ଫଳ ବହୁତ କଷ୍ଟ ଦେଇ ଥାଏ । ସାଇ ବହୁତ ଦୂରରେ ଥିବା ଭକ୍ତଙ୍କ ମନକୁ ଶିରିଡି ରେ ବସି ପଢ଼ି ପାରୁଥିଲେ । କୁବିଚାରକୁ କିପରି ଭକ୍ତ ହଟେଇବ ସେହି ପାଇଁ ମଧ୍ୟ ବାବାଙ୍କ ବିଚିତ୍ର ନୀତି ନିୟମ ଥିଲା । ବଡ଼ବଡ଼ ପଣ୍ଡିତ , ବୁଦ୍ଧିମାନ , ଅହଙ୍କାରୀ ଓ ଗର୍ବ ରେ ବୁଡ଼ି ଥିବା ଅନେକ ଭକ୍ତମାନେ ସଂସ୍କାର ହୋଇ ଅଛନ୍ତି । ଗୁରୁ ଚରଣକୁ ଠିକ ସେ ଧରି ପାରିଲେ ମନ ଆପେଆପେ ନିୟନ୍ତ୍ରଣ ହୁଏ । 

                  ଗୋଟିଏ ମୁସଲମାନ ଦମ୍ପତି ବିବାହ ର ଅନେକ ବର୍ଷ ପଯ୍ୟନ୍ତ ସନ୍ତାନ କୂଳକୁ ଆସି ନଥିଲା । ସେମାନେ ସାଇ ବାବା ପାଖକୁ ଗଲେ ଏବଂ ବାବାଙ୍କ ଆଶିର୍ବାଦରୁ ଗୋଟିଏ ପୁତ୍ର ସନ୍ତାନ ଜନ୍ମ ନେଇ ଥିଲା । ସେମାନେ ଖୁସି ରେ ବାବାଙ୍କ ପାଖକୁ ଗଲେ । ଯିବାବେଳେ ହାତରେ ଫୁଲର ଚାଦର ଓ ପାନବିଡା ନେଇଥିଲେ । ବାବା ସେମାନଙ୍କୁ ଆଶିର୍ବାଦ ଦେଲେ ଏବଂ ଆଣିଥିବ ସାମଗ୍ରୀ କୁ ହନୁମାନଙ୍କୁ ଦେଇ ଦେବା ପାଇଁ କହିଲେ । ବାବାଙ୍କ କଥା ଶୁଣି ଦମ୍ପତି ଦୁଇ ଜଣ ଆଶ୍ଚର୍ଯ୍ୟ ହୋଇ କିଛି ସମୟ ନୀରବ ରେ ଠିଆ ହୋଇ ରହିଲେ । ଏହା ଦେଖି ବାବା ସେ ମାନଙ୍କୁ ହନୁମାନଙ୍କ ବିଷୟରେ ଅନେକ କଥା କହିଲେ ଏବଂ ପୁଣି ହନୁମାନ ପାଖରେ ସାମଗ୍ରୀ ଦେଇ ଦେବା ପାଇଁ କହିଲେ । ବାବାଙ୍କ ପାଖରୁ ସମସ୍ତ ଶୁଣି ସେମାନେ ହନୁମାନ ପାଖକୁ ଗଲେ । ବାବା ଏହିପରି ଦମ୍ପତିଙ୍କର ମନର ଥିବା କୁବିଚାରକୁ ଦୂରେଇ ଦେଇ ଥିଲେ ।