ସାଇ ବାଣୀ -: ନିଜକୁ ଅହଂକାର ଶୂନ୍ୟ କର ।

   ସାଇ ଲୀଳା -:  ନିଜକୁ ଅହଂକାର ଶୂନ୍ୟ କର ।

                        ଆମମାନଙ୍କର କୁଟିଳ ଓ ଉତ୍ତମ ଚିନ୍ତା ଆମର ଦୈନନ୍ଦିନ ଜୀବନ ଯାତ୍ରାରେ ସହାୟତା ହୋଇ ଥାଏ । ଉତ୍ତମ ଚିନ୍ତା ଉଚ୍ଚ ସ୍ଥାନକୁ ନେଇ ଯାଏ । ଏହି ଚିନ୍ତା ର ଭାବନା କିପରି ନିଜ ଭିତରେ ଗଢ଼ି ତୋଳିବା ସେ ପାଇଁ ଆମେ ଯତ୍ନବାନ ହେବା ଉଚିତ । ସକାଳୁ ରାତି ପର୍ଯ୍ୟନ୍ତ ନିଜର କାର୍ଯ୍ୟ ଭିତରେ ଉଚ୍ଚ ଚିନ୍ତା କୁ ଫଳବତୀ ପାଇଁ ଚେଷ୍ଟା କରିବା ଦରକାର । ଉତ୍ତମ ଚିନ୍ତାକୁ ସଫଳ ପାଇଁ ଆମମାନଙ୍କର ଏକ ସରଳ ଉପାୟ ହେଉଛି ସାଧୁସନ୍ଥ ମାନଙ୍କର ଜୀବନୀ ପୁସ୍ତକ ସହ ଇଶ୍ଵର ବିଶ୍ୱାସ ବୃଦ୍ଧି କରିବା ଉଚିତ । ସାଇବାବାଙ୍କ ଜୀବନୀ ର ପଠନ ଆମକୁ କିଛି ସାହାଯ୍ୟ କରିବ । ନିତ୍ୟ ପଠନର ଫଳ ଧିରେ ଧିରେ ଆମର ଉତ୍ତମ ଚିନ୍ତା ପାଇଁ ଏକ ବଡ଼ ସହାୟକ ରୂପେ କାର୍ଯ୍ୟ କରିବ । ସବୁବେଳେ ଏକ କାର୍ଯ୍ୟ ସମ୍ପାଦନ ପାଇଁ ସୂଚୀ ତିଆରି କରିଲେ ତାର ଉନ୍ନତ ଫଳ ପାଇବା । କୁଟିଳତା ଭାବନା ନରକଗାମୀ କରାଇବ । କୁଟିଳ ଯେଉଁ ସ୍ଥାନ ରେ ଥାଏ ସେଠି ଭୟ ମଧ୍ୟ ବିରାଜମାନ କରେ । ମାନସିକ ଚାପରେ ଆମେ ରହୁ । ସବୁ ପ୍ରକାରର ସମସ୍ୟା ସୃଷ୍ଟି ହୋଇ ଜୀବନ କଷ୍ଟକର ପରିସ୍ଥିତି ରେ ଗତି କରେ । କୁଟିଳ ଚିନ୍ତା ଶରୀର ରେ ରହିଲେ ଅହଙ୍କାରୀ ମନ ଠିକ ବାଟରେ ଗତି କରେ ନାହିଁ । ଅହଂକାର ଶୂନ୍ୟ ରହି ଫଳକୁ ଆନନ୍ଦ ମନରେ ଗ୍ରହଣ କଲେ ଏକ ସୁଖ ମିଳିବ । ତାହା ହିଁ ସରଳ ଜୀବନର ଏକ ଧାରା । 

 

 ପୁଣ୍ଡଳୀକ ରାଓ ଓ ତାଙ୍କର ବନ୍ଧୁ ମାନେ ଶିରିଡି ଯାତ୍ରା କଲେ । ବାଟରେ ସେମାନଙ୍କୁ ବହୁତ ଭୋକ ଲାଗିଲା । ସେମାନେ ସାଥିରେ ନେଇ ଥିବା ଚୁଡା କୁ ଖାଇବା ବେଳେ ସେମାନେ ନେଇ ଥିବା ଗୋଟିଏ ନଡ଼ିଆ କୁ ଭାଙ୍ଗି ଖାଇଲେ । ବାଟରେ ଯାଉଥିବା ବେଳେ ହଠାତ ପୁଣ୍ଡଳୀକ ରାଓଙ୍କ ସ୍ୱାମୀଜୀ ପଠାଇଥିବା ନଡ଼ିଆ କଥା ମନେ ପଡ଼ିଲା । ଶିରିଡି ରେ ପହଞ୍ଚି ବାବାଙ୍କ ପାଦ ଧରି କହିଲେ ସ୍ୱାମୀଜୀ ପଠାଇ ଥିବା ନଡ଼ିଆ କୁ ସେମାନେ ଖାଇ ଦେଇ ଅଛନ୍ତି ।ଆଉ ଗୋଟାଏ ନଡ଼ିଆ ଆଣି ଦେବେ । ତାଙ୍କର କଥା ଶୁଣି ବାବା କହିଲେ ସେହି ନଡ଼ିଆ ଟି କେତେ ମୂଲ୍ୟବାନ ଅଟେ । ଆଉ କୌଣସି ନଡ଼ିଆ ସେ ସ୍ଥାନ ନେଇ ପାରିବ ନାହିଁ । ମୋ ଇଛା ଯୋଗୁଁ ସେ ନଡ଼ିଆ ତୁମ ଜିମାରେ ଦିଆ ଯାଇ ଥିଲା । ବାଟରେ ତାହା ଭାଙ୍ଗି ସମସ୍ତେ ଖାଇ ଦେଲ । ତୁମେ କାହିଁକି ନିଜକୁ କରତା ବୋଲି ଭାବୁଅଛ । ନିଜକୁ ଅହଂକାର ଶୂନ୍ୟ କର । ତୁମ୍ଭର ଉନ୍ନତି ହେବ । ଆମମାନଙ୍କ ର ଜୀବନର ଛୋଟ ବଡ଼ ସମସ୍ତ ଘଟଣାକୁ ନିଜେ କରତା ବୋଲି ଭାବିବା ଅନୁଚିତ । ସବୁ ସାଇ ହିଁ କରୁଅଛନ୍ତି ।