ସାଇ ବାଣୀ -: ରୋଗ ହୋଇ ଅଛି , ଶିଘ୍ର ଆରୋଗ୍ୟ ଲାଭ କରିବ ।

     ସାଇ ଲୀଳା -: ରୋଗ ହୋଇ ଅଛି ,ଭଲ ହୋଇ ଯିବ । 

        ଆମେମାନେ ଜନ୍ମ ହୋଇ ଅଛୁ ଏବଂ ମରଣ ପର୍ଯ୍ୟନ୍ତ ବଂଚିବୁ । ଏହି ସମୟ କୁ ଆମେ କହୁ ଜୀବନ ର ଯାତ୍ରା । ସୁଖ ଦୁଃଖ , ହସ କାନ୍ଦ , ଧର୍ମ ଅଧର୍ମ , ସତ୍ୟ ମିଥ୍ୟା ଓ ପାପ ପୂଣ୍ୟ ସବୁ ସାମନା କରିବା ପାଇଁ ପଡେ । ଏହି ଭିତରେ  ସମ୍ପର୍କରେ ଅନେକ ପରିବର୍ତ୍ତନ ବୟସ ବଢ଼ିବା ସହିତ ଘଟିଚାଲେ । କେତେ ବେଳେ ବାପା  , ଅଜା ,ମାମୁ , ଭାଇ ବନ୍ଧୁ ଏମିତି କେତେ କଣ ଚରିତ୍ରରେ ଅଭିନୟ କରୁ । ଏହି ସମୟ ଭିତରେ ଯଦି ଇଶ୍ଵର ବିଶ୍ୱାସ ବଢେ ତାହେଲେ ଆମମାନଙ୍କ ର ଏକ ନୂଆ ଜୀବନ ଧାରା ଆରମ୍ଭ ହୁଏ । ସମୟର ସଦୁପଯୋଗ ପାଇଁ ଇଶ୍ଵର ଏବଂ ଗୁରୁ ହିଁ  ଭରସା ଅଟନ୍ତି । କୌଣସି ସମୟରେ ବାଟ ବଣା ନହେବା ପାଇଁ ଗୁରୁ ବାଣୀ ଓ ଗୁରୁ ସେବା ହିଁ ଏକାନ୍ତ ଜରୁରୀ ଅଟେ । ସାଇ ବାବା ପାଖକୁ ଯେଉଁ ଭକ୍ତ ମାନେ ଯାଉ ଥିଲେ ସେ ମଧ୍ୟରୁ ଅନେକ ଭକ୍ତଙ୍କ ର ଅତୀତ କଥା ବାବା କହୁଥିଲେ । ଅନେକକୁ ବହୁ ଜନ୍ମର ସମ୍ପର୍କ ବାବଦରେ ବାବା କହି ଜଣାଉ ଥିଲେ ଯେ ,  ତୁମ ଆଉ ମୋର ଅନେକ ଜନ୍ମ ରୁ ଏହିପରି ସମ୍ବନ୍ଧ ଅଛି । ତେଣୁ ଆମେମାନେ ଏହି ଜନ୍ମ ରେ ମଧ୍ୟ ମିଳନ ହୋଇ ପାରିଲୁ । ମୁଁ ତୁମ୍ଭକୁ ବହୁତ ଜନ୍ମ ଧରି ଚିହ୍ନି ଆସି ଅଛି ହେଲେ ତୁମେ ଜାଣି ପାରୁନ । ଶରୀର ରେ ରୋଗ କୁ ନେଇ ବାବା ଅନେକ କୁ କହୁଥିଲେ , ଶରୀର ଅଛି ଯେତେବେଳେ ରୋଗ ରହିବ ତାର ଉପଯୁକ୍ତ ଚିକିତ୍ସା କଲେ ନିଶ୍ଚିତ ଭଲ ହେବ । ମୋର ଓଦି କୁ ଠିକ ସେ ସେବନ କର , ତୁମେ ଶିଘ୍ର ଆରୋଗ୍ୟ ଲାଭ କରିବ ।

   

ବାବା ମହଲାସପତିଙ୍କୁ ବହୁତ ଭଲ ପାଆନ୍ତି । ଥରେ ବାବା ତାଙ୍କୁ ଡାକି କହିଲେ ତୁମ୍ଭର ସ୍ତ୍ରୀ ରୋଗରେ ବହୁତ କଷ୍ଟ ପାଉଅଛି । ତାଙ୍କର ବେକରେ ବହୁତ ଯନ୍ତ୍ରଣା ହେଉଛି । ଅଳ୍ପ ଦିନ ଭିତରେ ସେ ଭଲ ହୋଇ ଯିବେ । ମହଲାସପତି କିନ୍ତୁ ଜାଣି ନଥିଲେ ତାଙ୍କର ପତ୍ନୀଙ୍କ ବେକରେ ଯନ୍ତ୍ରଣା ହେଉଛି । ସେବେଳେ ତାଙ୍କର ସ୍ତ୍ରୀ ବାପ ଘରକୁ ଯାଇ ଥିଲେ । ପରେ ଚିଠି ପାଇ ଜାଣିଲେ ତାଙ୍କର ସ୍ତ୍ରୀ ଗଳାଜନିତ ରୋଗ ରେ ପୀଡିତ ଥିଲେ ଏବଂ ସେ ପୁରା ସୁସ୍ଥ ହୋଇ ଯାଇଛନ୍ତି । ମହଲାସପତି ଜାଣି ଆଶ୍ଚର୍ଯ୍ୟ ହୋଇ ଯାଇଥିଲେ । ବାବା କେତେ ଆଗରୁ ସତର୍କ କରାଇଥିଲେ । ମାଇଲ ମାଇଲ ଦୂରରେ ଥିବା ଭକ୍ତଙ୍କ କଷ୍ଟ କୁ ଶିରିଡି ରେ ଥାଇ ଜାଣିପାରି ଆରୋଗ୍ୟ କରୁଥିଲେ ।  ସାଧାରଣ ଭକ୍ତ ବେଳେ ବେଳେ ବୁଝି ପାରନ୍ତି ନାହିଁ ସାଇ ବାବାଙ୍କର ଲୀଳା ..