ସାଇ ବାଣୀ -: ଶିରିଡି ହିଁ ପଣ୍ଡରପୁର ...

       ସାଇ ଲୀଳା -: ଶିରିଡି ହିଁ ପଣ୍ଡରପୁର ..

     ଯଦି ତୁମେ ନାମ ନେବା ପାଇଁ ଇଛା କରୁଅଛ , ତେବେ ନେବା ପାଇଁ କିଛି ଅସୁବିଧା ନାହିଁ । ଭଗବାନ କି ଗୁରୁ ନାମ ସମସ୍ତେ ନେଇ ପାରିବେ , ସେଥିରେ ବିଧିବିଧାନ ନାହିଁ । ବାଳକ ,ପୁରୁଷ , ବୃଦ୍ଧ ଆଦି ସମସ୍ତେ ଜପି ପାରିବେ ଏବଂ ସବୁବେଳେ ,ସବୁ ସମୟରେ ,ସବୁ ଅବସ୍ଥାରେ ନାମ ଜପ କରି ହେବ । ନାମ ଜପୁଥିବା ବେଳେ ଯଦି ମନ ଲାଗୁନାହିଁ ତାହେଲେ ଜପିବା ଦରକାର ନାହିଁ । ଯଦି କିଛି ସମୟ ନାମଜପ ଚାଲୁ ରଖିବା ତାହେଲେ ଧିରେ ଧିରେ ମନ ଲାଗିଯିବ । ଯଦି କାହାର ମରଣ ସମୟ ବୁଝା ପଡ଼ିଲା ତାହେଲେ ସେଠାରେ ନାମ ଜପ ହେବା ଭଲ । ଭଗବାନଙ୍କ ନାମର ପ୍ରଭାବ ସେମାନଙ୍କ ଉପରେ ପଡିବା ଫଳରେ ଉଦ୍ଧାର ହୋଇ ଯାଆନ୍ତି । ମଣିଷ ଶେଷ ସମୟରେ ଯଦି ନାମ ଜପ କରେ ତାର କଲ୍ୟାଣ ହେବ । ଦିନରାତି ,ଖାଇବାପିଇବା , ଶୋଇବା ଉଠିବା ଓ ଚଲାବୁଲା କରିବା ସମୟରେ ଭଗବାନଙ୍କ ନାମ କିମ୍ବା ଗୁରୁ ନାମ ସ୍ମରଣ କରିବା ଉଚିତ ।ଗୁରୁ ହିଁ ହରି ,ହର ଓ ବ୍ରହ୍ମ ରୂପରେ ପୂଜା ପାଆନ୍ତି । ତିନି ଦେବତା ପାଖରେ ଯେଉଁ ଶକ୍ତି ଅଛି ତାହା ଗୁରୁ ପାଖରେ ଥାଏ । ଗୁରୁ ହିଁ ଇଶ୍ଵର ଏହି ଚେତନା ସବୁବେଳେ ଓ ସବୁ ସମୟରେ ରହିବା ଉଚିତ ।ଫରକ କେବଳ ନାସ୍ତିକ ମାନଙ୍କ ପାଖରେ ଥାଏ । ପଣ୍ଡରପୁର ବିଠୋବା ହିଁ ଶିରିଡି ରେ ବାସ କରନ୍ତି । ତେଣୁ ସାଇଙ୍କୁ ବିଠୋବା ରୂପେ ପୂଜା କରାଯାଏ । 

        ରଘୁବୀର ନିଜର ମାତା ସହିତ ପଣ୍ଡରପୁର ଧ ବିଠୋବା ଦର୍ଶନ ପାଇଁ ବାହାରି ଥିଲେ । ବାଟରେ ଶିରିଡି ପଡୁଥିବା ଯୋଗୁଁ ସେ ଶିରିଡି ରେ ବାବାଙ୍କ ଦର୍ଶନ ସହିତ ଅନୁମତି ନେଇ ଯିବେ ବୋଲି ଭାବି ଶିରିଡି ରେ ରହିଲେ । ତିନି ଦିନ ରହିବା ପରେ ମଧ୍ୟ ଶିରିଡିର ମାଲିକ ସାଇ ବାବା ଅନୁମତି ଦେଲେ ନାହିଁ । ରଘୁବୀରଙ୍କର ମା ସାଇ ବାବା ପାଖରେ ଗୁହାରି କଲେ ମଧ୍ୟ ବାବା ଅନୁମତି ଦେଲେ ନାହିଁ । ଶେଷରେ ପରିବାରର ସମସ୍ତ ସଦସ୍ୟ ଶିରିଡି ଛାଡ଼ିବା ପାଇଁ ବାହାରିବା ପୂର୍ବରୁ ବାବାଙ୍କ ପାଖରୁ ପୁଣି ଅନୁମତି ପାଇଁ ଦ୍ୱାରକମାୟୀ ରେ ପହଞ୍ଚି ଲେ ।। ସେହି ଦ୍ୱାରକମାୟୀରେ ଏକ ଚମତ୍କାର ଘଟଣା ଘଟିଲା । ରଘୁବୀର ପୁରନ୍ଧର ପରିବାରର ସମସ୍ତ ସଦସ୍ୟଙ୍କୁ  ସାଇ ଭଗବାନ ବିଠଲ ଓ ମାତା ରୁକ୍ମିଣୀ ରୂପରେ ଦର୍ଶନ ଦେଲେ । ସମସ୍ତ ସଦସ୍ୟ ଖୁସି ହୋଇ ଗଲେ । ଏହା ପରେ ବାବା ଯେତେବେଳେ ସେମାନଙ୍କ ସହିତ କଥାବାର୍ତ୍ତା ହୁଅନ୍ତି ସେବେଳେ ପଚାରନ୍ତି ବିଠଲ ଦର୍ଶନ ହେଲା ତ !! ସେମାନେ ଶିରିଡି ହିଁ ପଣ୍ଡରପୁର ଓ ସାଇ ହିଁ ବିଠଲା ବୋଲି କହନ୍ତି । ଗୁରୁ ସବୁରୂପରେ ଦର୍ଶନ ଦେଇ ପାରନ୍ତି ।