ସାଇ ବାଣୀ -:ବିଭୁକୃପା ମିଳିଲେ ବ୍ୟାଧି ଦୂର ହେବ ।

         ସାଇ ଲୀଳା -:ବିଭୁକୃପା ମିଳିଲେ ବ୍ୟାଧି ଦୂର ହେବ ।

           ଜୀବନ ପାଇଁ ଧନ ଅର୍ଜନ କରିବା ସବୁ ମଣିଷର ଏକ ମୌଳିକ କର୍ତ୍ତବ୍ୟ ଅଟେ । ଧନ ହିଁ ଜୀବନ ବଞ୍ଚେଇବା ପାଇଁ ସହାୟକ ରୂପେ କାର୍ଯ୍ୟ କରେ ତାସହିତ ରୋଗ ପାଇଁ ମଧ୍ୟ ଖର୍ଚ୍ଚ କରାଯାଏ । ଜୀବନ  ପାଇଁ ବଞ୍ଚିବା ଓ ଧନ ର ଲୋଭ ଏହି ଦୁଇଟି ସବୁ ମଣିଷ ପାଖରେ ଦେଖିବା ପାଇଁ ମିଳେ । ତେଣୁ କେହି ଯଦି ଏହି ଦୁଇଟି କାହାକୁ ମାଗେ ସେ ଦେବାପାଇଁ କୁଣ୍ଠାବୋଧ କରେ । ଇଶ୍ଵର ଚେତନା କୁ ନେଇ ବହୁ ପୁସ୍ତକ ରେ ଉଲ୍ଲେଖ ଅଛି ଯେ , ଏହି ଦୁଇଟି ପର ର ହିତ ପାଇଁ ଲାଗିବା ଉଚିତ । ଶରୀର ର ମାଲିକ ଭଗବାନ ଅଟନ୍ତି । ଜୀବନକାଳ ଭିତରେ ସମସ୍ତ କାର୍ଯ୍ୟ ଶରୀର କରେ । ତାର ଫଳ ନିଜେ ହିଁ ଉପଭୋଗ କରେ । କିନ୍ତୁ ନିତିଦିନ ଏହି ଶରୀର ପାଇଁ କିଛି କାର୍ଯ୍ୟ ନିଜସ୍ୱ ଓ କିଛି କାର୍ଯ୍ୟ ଅନ୍ୟ ର ହୀତ ଉଦ୍ଦେଶ୍ୟ ରେ କରିବା ଉଚିତ । ଅନ୍ୟ ପାଇଁ ଯେଉଁ କାର୍ଯ୍ୟ କରିବା ତାହା ପରର ହିତ ପାଇଁ ହିଁ କରିବା । ସେହିପରି ରୋଜଗାର କରିଥିବା ଅର୍ଥ ମଧ୍ୟ ଅନ୍ୟ ର ପାଇଁ କିଛି ବ୍ୟୟ କରିବା ଉଚିତ । ନିଃସ୍ୱାର୍ଥପର ଭାବେ ଶରୀର ଓ ଅର୍ଥ କୁ ଅନ୍ୟ ମାନଙ୍କ ପାଇଁ ଲଗେଇବା ଉଚିତ । 

     ଶ୍ରୀମତି ତାରଖଡ଼ ବାବାଙ୍କ ର ଜଣେ ବଡ଼ ଭକ୍ତ ଥିଲେ । ହଠାତ ତାଙ୍କର ମୁଣ୍ଡ ବଥା ଏପରି ହେଲା ଯେ ସେ ଆଦୌ କିଛି କାର୍ଯ୍ୟ କରିପାରିଲେ ନାହିଁ । ଔଷଧ କାମ କଲା ନାହିଁ । ପୀଡା ବଢ଼ିବାରେ ଲାଗିଲା ।ସେ ଶିରିଡି ଯାଇ ସାଇ ବାବାଙ୍କର ଦର୍ଶନ ପାଇଁ ଗଲେ ଏବଂ ଭାବିଲେ ତାଙ୍କର ମୁଣ୍ଡ ବଥା ନିଶ୍ଚିତ ସାଇ ହରଣ କରିନେବେ । ଶିରିଡି ପହଞ୍ଚି ବା ପୂର୍ବରୁ ଗୋଦାବରୀ ନଦୀରେ ମୁଣ୍ଡକୁ ଧୋଇ ଗାଧେଇଲେ । ମୁଣ୍ଡକୁ ଗୋଦାବରୀ ରେ ଧୋଇ ଉଠିଲା ବେଳକୁ ତାଙ୍କର ମୁଣ୍ଡ ବଥା କମି ଯାଇ ଥିଲା । କିଛି ସମୟ ପରେ ସପୂର୍ଣ ବଥା ଚାଲିଗଲା । ସେ ଅବାକ ହୋଇ ଗଲେ ଶିରିଡି ରେ ସାଇ ବାବାଙ୍କର ଦର୍ଶନ ପୂର୍ବରୁ ପୁରା ଠିକ ହୋଇ ଗଲେ । ବାବାଙ୍କ ପାଖକୁ ଦର୍ଶନ କରିବା ପାଇଁ ଗଲା ବେଳକୁ ବାବା ତାଙ୍କୁ ଦେଖି ହସି କହିଲେ ,ତୁମ୍ଭର ମୁଣ୍ଡରେ ବଥା କେମିତି ଅଛି । ତାରଖଡ଼ ଶୁଣି କହିଲେ ଆଦୌ ନାହିଁ । ତେଣୁ ଶରୀର ରୁ ରୋଗ ଭଲ ହେବା ପାଇଁ ବିଭୁ କୃପା ର ଆବଶ୍ୟକତା ଔଷଧ ଠାରୁ ଅଧିକ ଅଟେ । ବିଭୁ କୃପା ହେଲେ ବୃହତ ରୋଗ ମଧ୍ୟ ନିମିଷକ ମଧ୍ୟରେ ଭଲ ହୋଇ ଯାଏ ।