ସାଇ ବାଣୀ -: ଭାବରେ ଉଦି କୁ ସେବନକର , ତୁମେ ସମସ୍ତ ପରୀକ୍ଷାରେ ଉତ୍ତୀର୍ଣ୍ଣ କରିବ ।

              ସାଇ ଲୀଳା -: ଉଦି ସେବନ  ଦ୍ଵାରା ତୁମର ପରୀକ୍ଷାର ଫଳ  ଭଲ ହେବ ।

              ବାବା ଶିରିଡିକୁ ଲୀଳା ଭୂମି ରୂପେ ଚୟନ କରିଲେ । ସେ ସେଠାରେ ରହି ଧୁନି ର ପାଉଁଶ କୁ 'ଉଦି' ରୂପେ ଭକ୍ତଙ୍କୁ ଦେଇ ସେମାନଙ୍କ ପାପ ତାପ କୁ ନଷ୍ଟ କରୁଥିଲେ । କପାଳରେ ଗାଧେଇ ସାରି ଉଦି ଲଗାଇବା ସହିତ ପାଣିରେ ମିଶାଇ ପିଇବା ଫଳରେ ଭକ୍ତର ଦିନ ଅତି ଭଲରେ କଟୁଥିଲା । ଶରୀର ଛାଡି ଚାଲିଗଲେ କିନ୍ତୁ ଆମମାନଙ୍କର ହିତ ପାଇଁ ଛାଡି ଦେଇ ଗଲେ ତାଙ୍କର ଉଦି କୁ । ସେହି ଧୁନି ରୁ ଆଜି ବି ଉଦି ମହାପ୍ରସାଦ ରୂପେ ଶିରିଡିକୁ ଯାଉଥିବା ଭକ୍ତମାନେ ପାଇ ପାରନ୍ତି । ଭକ୍ତି ରେ ତାଙ୍କର ଉଦିକୁ ସେବନ କଲେ ବହୁତ ଭୟଙ୍କର ରୋଗ ନାଶ ହୋଇ ଅଛି । ତାକୁ କପାଳରେ ଲଗାଇଲେ କୁ ଶକ୍ତି ଭକ୍ତଙ୍କ ପାଖକୁ ଆସି ପାରେ ନାହିଁ । ଉଦି ର ଚମତ୍କାର ବହୁତ , ଯିଏ ଶ୍ରାଦ୍ଧ ରେ ବ୍ୟବହାର କରିଅଛି ସେ ସୁଫଳ ହିଁ ପାଇଅଛି । 

ଶିରିଡି ର ପ୍ରାଥମିକ ବିଦ୍ୟାଳୟ ରେ ଦାଜି ବାମନ ଚିଦାମ୍ବର ନାମରେ ଜଣେ ପ୍ରଧାନ ଶିକ୍ଷକ ଥିଲେ । ଶିରିଡି ର ପିଲାମାନେ ସେହି ବିଦ୍ୟାଳୟ ରେ ପାଠ ପଢ଼ୁଥିଲେ ।  ପିଲାମାନେ ଭଲ ପଢୁ ନଥିବାରୁ ତାଙ୍କର ମନ ବହୁତ ଖରାପ ଥାଏ । ଏହି କଥା ସେ କାକା ସାହେବ କୁ କହିଲେ ,ଏହି ବର୍ଷ ପିଲାମାନେ ପରୀକ୍ଷାରେ ଆଦୌ ଭଲ କରିବେ ନାହିଁ । ଯଦି ପିଲାମାନେ ପରୀକ୍ଷାରେ ଭଲ ନ କରନ୍ତି ତାଙ୍କର ସୁନାମ ରେ କଳଙ୍କ ଲାଗିଯିବ । ପିଲାମାନେ ଦିନକୁ ଦିନ ଅଳସୁଆ ହେବା ସହିତ ପାଠ କୁ ଧ୍ୟାନ ଦେଉନାହାନ୍ତି । ପାଠ ନପଢି ସାଇବାବାଙ୍କ ଉଦି ଖାଇଲେ କଣ ପରୀକ୍ଷାରେ ପାସ କରିବେ ?? ଏହି ସମସ୍ତ କଥା ବାମନଙ୍କ ପାଖରୁ ଶୁଣି କାକାସାହେବ ତାଙ୍କୁ କହିଲେ ଧୌର୍ଯ୍ୟ ଧରନ୍ତୁ  । ପରୀକ୍ଷା ର ଫଳ ବାହାରି ସାରୁ ତାପରେ ଦେଖିବା । ପରୀକ୍ଷା ଠିକ ସମୟରେ ହୋଇ ଥିଲା । ଫଳ ବାହାରିବା ପରେ ଦେଖାଗଲା କୌଣସି ଗୋଟିଏ ପିଲା ଫେଲ ହୋଇ ନାହାନ୍ତି । ଏହି ଭିତରେ ଯେଉଁ ଦିନମାନଙ୍କରେ ପିଲାଙ୍କ ପରୀକ୍ଷା ଥାଏ ସେହି ପିଲାମାନେ ବାବାଙ୍କ ପାଖରୁ ଉଦି କୁ ଆଣି ଖାଇବା ସହିତ ମୁଣ୍ଡରେ ଲଗେଇ ପରୀକ୍ଷା ଦେବାକୁ ଆସି ଥିଲେ । ସବୁ ପିଲାମାନେ ପରୀକ୍ଷାରେ ଅତି ଭଲ କରିଥିଲେ । 

ସେହିଦିନ ସେହି ଶିକ୍ଷକ ସାଇ ବାବାଙ୍କ ଉଦି ର ଲୀଳା ବେଶ ବୁଝି ପାରିଥିଲେ । ଉଦି କୁ ନେଇ ତାଙ୍କ ମନରେ ଥିବା ସନ୍ଦେହ ଦୂର ହେବା ପାରିଥିଲା । ଅବସର ପରେ ଶିରିଡି ରେ ରହିଲେ ।