ସାଇ ବାଣୀ-:ମୁଁ ସପ୍ନରେ ଦର୍ଶନ ଦେଇ ତୁମ୍ଭର ହତାଶ ଦୂରେଇ ଦେବି ।

      ସାଇ ଲୀଳା -:ମୁଁ ସପ୍ନରେ ଦର୍ଶନ ଦେଇ ତୁମ ହତାଶ କୁ ଦୂର କରିପାରେ ।

                              ଦୈନନ୍ଦିନ ଜୀବନ ଯାତ୍ରାରେ ସାଇ କୁ ଆରଧନା କରୁ ଥିବା ଭକ୍ତମାନେ ବେଳେ ବେଳେ ବହୁତ ହତାଶ ହୋଇ ଯାଆନ୍ତି । ମନଭିତରେ ହତାଶ ର ବାଦଲ ଏପରି ଦଖଲକରି ଯାଏ ଯେ ତାର ଆରଧନା ମଧ୍ୟ ବିଘ୍ନ ଆସେ । ହେଲେ ସାଇ ଏସମସ୍ତ ଘଟଣା ପ୍ରତି ସମ୍ପୂର୍ଣ୍ଣ ଅବଗତ ଥାନ୍ତି । କିନ୍ତୁ ଭକ୍ତ ବିଚଳିତ ଅବସ୍ଥାରେ ଥାଏ । ସବୁବେଳେ ସେହି  ଗୋଟିଏ ଚିନ୍ତା ଏମିତି ଘାରି ଯାଏ ସେ ଭାବେ ସାଇ ତାର କଥା ଶୁଣୁ ନାହାନ୍ତି । କଣ କରିବି ???ହେଲେ ସାଇ ମାଲିକ ସମସ୍ତ ସମସ୍ୟା ର ସମାଧାନ କରି ଭକ୍ତଙ୍କ ମନରେ ଆନନ୍ଦ ଭରିଦିଅନ୍ତି ।

ବାବା ସଶରୀରରେ ଥିବା କିମ୍ବା ଶରୀର ତ୍ୟାଗ ପରେ ଅନେକ  ଅଗଣିତ ଭକ୍ତଙ୍କ ସମାଗମ ହୋଇଥିଲା । ଗଣେଶ ବୈଦ ନାମକ ଜଣେ ଭକ୍ତ ତାଙ୍କର ଝିଅ ର ବିବାହ ପାଇଁ ବର ଖୋଜି ଖୋଜି ହତାଶ ହୋଇ ପଡିଲେ । କୌଣସି ବର ପରିବାର ସହିତ ତାଙ୍କର କଥାବାର୍ତ୍ତା ହେଉଥିଲେ ମଧ୍ୟ ସେମାନେ ତରଫରୁ ବିବାହ ର ପ୍ରସ୍ତାବ ଆସୁନଥିଲା । ମାନସିକ ସ୍ତରରେ ଗଣେଶ ଭାଙ୍ଗି ପଡିଲେ । ଶେଷରେ ସାଇ ବାବା ପାଖରେ ଶରଣାପନ୍ନ ହେଲେ । ଦିନେ ରାତିରେ ବାବାଙ୍କୁ ବ୍ୟାକୁଳ ହୃଦୟରେ ନିବେଦନ କରିଲେ । ସେହି ରାତ୍ରିରେ ବାବାଙ୍କୁ ସପ୍ନ ରେ ଦେଖିଲେ । ସପ୍ନ ରେ ବାବା ତାଙ୍କୁ କହିଲେ ମୁଁ ଥିବା ଯାଏ ତୁମେ କାହିଁକି ଝିଅ ର ବାହାଘର ପାଇଁ ଏତେ ଚିନ୍ତା କରୁଚ ? ତୁମେ ତୁମ୍ଭର ଝିଅକୁ କେଶବ ଦୀକ୍ଷିତ ର ପୁଅ ସହିତ ବିଭାଘର କରିବ । ସେହି ସପ୍ନ ରେ ପୁଅର ଚେହେରା ମଧ୍ୟ ସାଇ ଦେଖାଇ ଥିଲେ । ଗଣେଶ ନିଦରୁ ଉଠି କିପରି ସେହି ବାହାଘର କରିବେ ତାହା ଚିନ୍ତା କଲେ । ସକାଳୁ ତାଙ୍କର ପୁଅକୁ ବାବା ସପ୍ନ ରେ କହିଥିବା ସମସ୍ତ କଥା ଜଣାଇଲେ । ଏପରିକି ସେହି ପୁଅର ଚେହେରା ବାବଦରେ ପୁଅକୁ ଜଣାଇଲେ ଏବଂ କହିଲେ ତାର ବାପାଙ୍କ ନାମ କେଶବ ଦୀକ୍ଷିତ । ପୁଅ ସମସ୍ତ କଥା ତାର ବାପା ଠାରୁ ଶୁଣି କହିଲା , ଆମର ଅଫିସରେ ଗୋଟିଏ ପିଲା ଚାକିରୀ କରେ ତାର ବାପାଙ୍କ ନାମ କେଶବ ଦୀକ୍ଷିତ ଅଟେ ।ତଥାପି ଗଣେଶ ସେହି ପୁଅ ବାବଦରେ ସମସ୍ତ କଥା ସଂଗ୍ରହ କରି ବୁଝି ଲେ ଯେ ପିଲାଟିର ଚେହେରା ସପ୍ନ ରେ ଚେହେରା ସହିତ ସମାନ । ତାର ବାପାଙ୍କ ନାମ କେଶବ ଦୀକ୍ଷିତ । ବିବାହ ପ୍ରସ୍ତାବ ପୁଅର ବାପା ପାଖକୁ ଗଣେଶ ପଠାଇଲେ । ଏହି ପ୍ରସ୍ତାବ ରେ କେଶବଙ୍କ ପରିବାର ରାଜି ହେଲେ ଏବଂ ଅଳ୍ପ ଦିନ ଭିତରେ ବିବାହ କାର୍ଯ୍ୟ ଧୁମଧାମରେ ସରିଲା 

ସାଇ ବାବା ଦୁଇ ପରିବାରର ଭିତରେ ବନ୍ଧୁତା ସୃଷ୍ଟି କରିଲେ ଏବଂ ଉପଯୁକ୍ତ ବର ସହିତ ଝିଅକୁ ବିବାହ କରିଲେ ।ଯେତେବେଳେ ଦୁଇ ପରିବାର ସପ୍ନ ବାବଦରେ ଜାଣିଲେ ସମସ୍ତେ ଅଭିଭୂତ ହୋଇ ଗଲେ ।