ସାଇ ବାଣୀ -: ଆଧ୍ୟାତ୍ମିକ ଉନ୍ନତି ପାଇଁ ଖାଦ୍ୟ ଓ ନିଦ୍ରା ଉପରେ ନିୟନ୍ତ୍ରଣ ରଖ ।

     ସାଇ ଲୀଳା -: ଆଧ୍ୟାତ୍ମିକ ପ୍ରଗତି ପାଇଁ ଖାଦ୍ୟ ଓ ନିଦ୍ରା ଉପରେ ନିୟନ୍ତ୍ରଣ କରିବା ଉଚିତ ।

          ସଦଗୁରୁ ଆଦେଶ ମାନି ଜୀବନର ଚଲାପଥ ରେ ଚାଲିବା ମାନସିକ ସ୍ତରରେ କିଛି କଷ୍ଟ ଦେଇ ପାରେ । କିଛିକ୍ଷଣ ପରେ ଗୋଟିଏ ଆନନ୍ଦ ମିଳେ ସେତେବେଳେ ସେହି ଆଦେଶ ମାନି ଆମେମାନେ ଚାଲୁ । ପ୍ରତିଟି ଶବ୍ଦ ତାଙ୍କର ଆମମାନଙ୍କ ପ୍ରତି ଏକ ସନ୍ଦେଶ । ଆଧ୍ୟାତ୍ମିକ ପ୍ରଗତି ପାଇଁ ଆମକୁ ସବୁବେଳେ ସଜାଡିବା ଉଚିତ । ଚାଲି ଚଳନି , ବିଚାର , ଓ ଚିନ୍ତା କୁ ପରିବର୍ତ୍ତନ କରିବା ପାଇଁ ଗୁରୁ ସବୁ ମୁହୂର୍ତ୍ତରେ ଆମକୁ ଜଗି ରହିଥାନ୍ତି । 

            ବାବାଙ୍କ ଅନେକ ସହଯୋଗୀ ଭକ୍ତଙ୍କ ଭିତରେ ଅବଦୁଲ ବାବାଙ୍କ ଅତି ନିଜର ହୋଇ ରହି ଥାଆନ୍ତି । ବାବାଙ୍କ ନିକଟରେ ବସି କୋରାନ ପାଠ କରନ୍ତି ହେଲେ ପାଠ ସମୟରେ ଢୁଳାଇ ପଡିବା ହେତୁ ବାବା ତାଙ୍କୁ ଉଠାଇ ଦିଅନ୍ତି । ସବୁଦିନ ଏପରି ଘଟଣା ଦେଖି ବାବା ତାଙ୍କୁ କହିଲେ ବେଶୀ ଖାଇବାର ଅଭ୍ୟାସ ଛାଡ ।ଅବଦୁଲ ଶୁଣନ୍ତି କିନ୍ତୁ ମାନି ପାରନ୍ତି ନାହିଁ । ପୁଣି ଥରେ ବାବା ତାଙ୍କୁ କହିଲେ ଅତି ବେଶୀ ଖାଦ୍ୟ ଖାଇଲେ ତୁମ୍ଭର ଭଗବାନଙ୍କୁ ପାଇବା କଷ୍ଟ ହେବ   । ସାତ୍ତ୍ଵିକ ଖାଦ୍ୟ ଅଳ୍ପ ପରିମାଣରେ ନେବା ଉଚିତ । ଜିଭର ରୁଚି ପାଇଁ ବିଭିନ୍ନ ପ୍ରକାରର ଖାଦ୍ୟ ନେବା ପରିବର୍ତ୍ତେ ଅଳ୍ପ ଆହାର ନେଲେ ଜିହ୍ଵା ନିୟନ୍ତ୍ରଣ ରେ ରହିବ । ଅନେକ ସମୟ ଶୋଇବା ମଧ୍ୟ ଠିକ ନୁହେଁ । ଇଶ୍ଵର କୁ ଧ୍ୟାନ ପାଇଁ ଅଳ୍ପ ସମୟ ଶୋଇବା ଯଥେଷ୍ଟ । 

           ସାଇ ବାବାଙ୍କ ଏହିପରି ବାରମ୍ବାର ତାଗିଦ ଦ୍ୱାରା ଅବଦୁଲଙ୍କର ପରିବର୍ତ୍ତନ ର ଏକ ପ୍ରକ୍ରିୟା ଆରମ୍ଭ ହେଲା । ଖାଦ୍ୟ କୁ ନିୟନ୍ତ୍ରଣ ସହିତ ଅଧିକ  ଶୋଇବା ର ନିଶା କମି କମି ଚାଲିଲା ।  ଏହି ଧାରା ରେ ଅବଦୁଲ ଯେତେବେଳେ ଚାଲିଲେ ସେ ନିଜେ  ଆନନ୍ଦ ଅନୁଭବ କରିଲେ  । ଖାଦ୍ୟ ଓ ନିଦ୍ରା ଉପରେ ପୁରା ନିୟନ୍ତ୍ରଣ ରହିଲେ ଆଧ୍ୟାତ୍ମିକ ଉନ୍ନତି ଘଟେ ।